कविता हो कि गजल

प्रतिबेदन
गजङ मजङ हिसाब किताब आउ बसौँ मिलाउनु छ
उतार चडाब कति हुन्छ प्रतिबेदन बुझउनु छ
ब्यालेन्स सबै बराबरी बनाउनु छ मशान्तमा
घाटा नाफा कति निस्क्यो, मिलाउनु छ किताबमा ।

कति गर्नु आनाकानी बार्ता सधै विफल हुन्छ
धेरै बुँदा सहमति निकास सधै सुन्य हुन्छ
एउटा मान्छे एउटा बुँदा कत्रो होला प्रतिबेदन
आउ बार्ता गरौँ फेरी बुँदा जति थपे हुन्छ ।

छिमेकिको हावा विना स्वास फेर्न गाह्रो हुन्छ
एउटा सानो निर्णयमा पुग्न कति साह्रो हुन्छ
अलमलियौ दोबाटोमा माया धेरै फिँजीएछ
एउटा लाई काँध दिँदा अर्को त्यसै चिडिएछ ।

भकारीमा भरी माया कसका लागि साँचेका छौ
सपनाका चाँङ माथी हामीलाई राखेका छै
प्रकृति का प्रकोपले भकारीलाई ताकेको छ
साँचिएका माया सवै कुहिएर विग्रिए छ ।

सुरुवात मै लेखापाल गलतमान्छे छाने पछि
अन्धाधुन्ध पेश्की फर्छौट जता तै भयो अनि
एउटा माया पुर्ब दियौ अर्को माया पश्चिम तिर
किन मिल्थ्यो सम्बन्धको हरहिसाब विग्रे पछि ।

लाइसेन्स प्राप्त अडिटर लाई छिमेक बाट ल्याउनु रे
विग्रिएको हिसाबलाई अनुदानमा मिलाउनु रे
हाम्रा लागि तिम्रो माया धरोधर्म ढुसि आयो
छिमेक तिर फक्रिदिँदा अब हाम्लाई घिन लाग्यो

स्वभिमानी हामीलाई झुटो माया चाहिएन
देखासिखि तिम्रो माया भयो अब चाहिएन
हाम्रो माया मिलाउने तिम्रो लेखा चाहिएन
सोझा साझा हामीलाई आश्वासन चाहिएन ।